May 11, 2024 : Food Civil Supply & Consumer Affairs (FCS&CA) Department chuan vawiin khan thuchhuah siam, Lumding leh Badarpur inkara rel lawng chhia chu siamthat a nih tawh thu an tarlang.
FCS&CA Departmen chuan, tun dinhmunah Mizoram aiin Tripura-in harsatna an tawh nasat zawk avangin rel-in POL a phurh hmasak pahnih (rake hnih) hi Tripura tan zuah phawt a ni ang a, rake thumna chu Mizoram sorkarin theih tawpa hma a lakna zarah Mizorama tan IOCL hotuten ruahmanna an siam a ni, an ti.
FCS&CA Departmen chuan POL-a Mizoramin harsatna kan tawh mek chu ziaawm chho zel tura ngaih a nih thu an sawi a, mipuite lo chiai lo turin an ngenin an hriattir.
Post a Comment