May 11, 2024 (Rauthla) : Delhi Chief Minister Arvind Kejriwal chuan nimina Jail atanga a chhuah hnua a vawi khat nan vawiin khan Press Conference a nei a, PM Narendra Modi chuan amah leh a party chu tihchhiat vek a tum tih a sawi.
Arvind Kejriwal chuan, min tihchhiat chhiat vek an tum a, mahse AAP chu min tihchhiat an tum aiin a thang nasa zawk zel ang, a ti. Delhi CM chuan Prime Minister in corruption kan do a ti a, mahse an party-ah hian rukru thahnem tak an awm, a ti a. Central-ah BJP an sorkar leh chuan opposition leader zawng zawngte chu Jail-ah an khung vek dawn tih a sawi bawk.
AAP national convener chuan a hming tarlang chiah lovin, Dictator-in democracy tihtawp a tum tih sawiin, mipuite chu India ram chhan turin a sawm.
Supreme Court chuan nimin khan Delhi CM hi interim bail-a chhuah a phalsak a, Lok Sabha inthlan atan campaign a phalsak bawk. Hetihlai hian office a kal thei dawn lova, official document-ah a hming a sign thei lo bawk ang a, Delhi secretariat a tlawh thei lo bawk ang a. Loh theih lohva document hmanhmawhthlak sign a ngaihin Lieutenant Governor hnen atangin phalna a lak a ngai.
Arvind Kejriwal hi liquor policy case-ah man niin, hi June 1, 2024 thleng bail-a chhuah phalsak a ni a. Nimin khan Tihar Jail atangin Interim bail hmanga chhuah lailawk a ni.
Post a Comment