Farkawn 06.04.2024 : Lok Sabha MP Election lo awm tur atan ZPM Candidate Pu Richard Vanlalhmangaiha chuan Campain-in Mizoram khaw hrang hrang a fang mek a nizan khan Farkawn khua ah Public Meeting neiin thu a sawi.
MP Candidate Pu Richard Vanlalhmangaiha chuan,”East Tuipui bial hi kut hnathawh uar leh mi taima awmkhawmna bial in ni a, ruling MLA bial in ni lo hi thlil inhmeh lo tak a ni. Kan aiawh tur roreltu thlan kawngah leh party policy hrang hrang zirchian kawngah tan in lak angaiin ka hria. Chutihrualin kan hma lawkah MP kan inthlang leh dawn a, heath hi chuan Ruling MP in neih ngeika duhsak che u a, chutiang tur chuan Bial mipuite ten in chhia leh tha hriatna fim tak hmang turin ka sawm che u a ni. Kan ram enkawl kawngah hian nang leh kei hian mawhphurhna kan nei a, Pathian duhdan a, duat taka kan ram enkawl hi kan tih tur a ni,” a ti.
Pu Richard-a chuan,” Zofate tan MP tha tak nih ka tum a, Mizoram a cheng chauh nilo ramdang leh hmun dang danga cheng kan zo hnathlakte tan pawh inghahna tlak MP nih ka tum a ni,”a ti bawk.
Post a Comment