Chawngte 06.04.2024 : BJP Mizoram MP Official Candidate Pu Vanlalhmuaka leh State hruaitu dang te chuan Mizoram chhimlam fang chhunzawmin, Kamalanagar ah hun an hmang a, Pu Vanlalhmuaka leh Pu Devesh Kumar BJP Mizoram Election Incharge ten thusawina hun annei a ni.
Pu Devesh Kumar, BJP Mizoram MP Election incharge chuan, "Tunah hian Central sawrkar chuan India ram chu 'Developed Country' ah siam a tum mek a, chu hmasawnna chu Mizoram pawhin kan chan ve ngei hi min duhpui hle a, chutiang chuan India ramin hmasâwnna a hmuh ruala Mizoram in in hmuh ve theih nan BJP MP candidate Pu Vanlalhmuaka hi lo vote ṭheuh turin ka sawm che u a ni a ti.
Pu Devesh Kumar chuan BJP Official Candidate Pu Vanlalhmuaka chu English & Hindi leh ṭawng dang pawh thiam tak a ni a, Central-a sawrkar leh tur party; BJP candidate hi in thlang tling a nih ngat chuan Union Minister a ni dawn a, chuvangin he hun tha hi bawh pelh lova, Mizoram hmasawnna tha kan hmuh theih nan a khawngaihtaka lo Vote theuh turin in khawngaihna kan rawn dil a ni," a ti bawk.
BJP Official Candidate Pu Vanlalmuaka chuan thusawiin, "Chawngte (Kamalanagar) ah hian campaign-in ka rawn kal fo tawh a, hmana kawng a chhiat ang khan vawiin thleng pawhin a la chhe reng mai hi amak hle a. Mizoram chhung vek ni si hi ram hmangaihtu inti state sawrkarin a ngaih thah ṭhin hi a pawi hle a ni, MP atan min thlang tling a nih ngat chuan kum khat chhungin he kawng chhe tak hi kan siam ṭha nghal ang tih minlo hriatsak turin ka ngen che u a ni," a ti.
Pu Hmuaka chuan sawi chhunzawmin, "Hmar-chhak state dang ang hian Mizoram hi kan ṭhenawm state-te aiin hmasâwnna lamah kan hnufual tawh hle a, kan ram, kan hnam leh kan sakhua humhim chungin kan mamawh ang hmasâwnna kan dawn theih nan PM Modi-a keimah kaltlangin in vote hlutak hmanga min Vote ṭheuh turin ka sawm che u a ni," a ti bawk.
Post a Comment