April 12, 2024 (Rauthla) : Central Young Lai Association President Pu HC. Vanlalruatpuia'n nimin khan Mualbu Kawnpui (M. Kawnpui) kum 100 (Centenary) lawmna chu Khuallian niin a hmanpui.
M. Kawnpui kum 100 tlin lawmna programme hi M. Kawnpui khuaa YLA Playground-a Pandal sakah hman niin Pu S. Mawtha in Programme hi kaihruaiin thusawi, zai leh lam te ngaihthlak leh thlirho niin kum 80 chunglam leh Lal fate hnenah leh Centenary puala thu inziahsiaka lawmman latute hnenah thilpek an hlan a. Pu HC. Vanlalruatpuia chuan thusawiin, Mualbu Kawnpui khua te'n kum 100 hial tling a, a lawmna programme an hmang thei chu a lawmpui thu leh khaw inlungrual, khaw dangte awh khawpa taimakna leh hnathawhna kawnga ṭan la zel turin a chah a. Centenary Organising Committee hnenah Centenary lawmpuina thilpek ₹.10,000 leh YLA M. Kawnpui Branch te hnenah ₹.5,000 a hlan bawk.
Central YLA President Pu HC. Vanlalruatpuia hi Central YLA CEC member te'n ṭawiawmin M. Kawnpui kum 100 tlin lawmnaah hian Lawngtlai West Bialtu MLA bakah Mara Autonomous District Council hruaitute leh mi pawimawh leh sawm bik ṭhahnem tak telin Centenary puala Souvenir Magazine buatsaih te pawh tlangzarh a ni nghal a ni.
Post a Comment