Champhai 06.04.2024 : Vawiin khan ZPM Party chuan Champhai Vengthlagah MP Election Street Campaign an nei a, he hunah hian Py Richard Vanlalhmangaiha, Pu Lalnghinglova Hmar Minister Sprt And Youth Services etc. leh Er.Pu Ginzalala MLA ten thu an sawi.
ZPM Party MP (LS) Candidate Pu Richard Vanlalhmangaiha chuan,”Pathian leh mipuite zara thlan tlin ka lo nih chuan Champhai Bial mipui ten duhsak taka in lo thlan tlin MLA te tha ti chak turin hma ka la dawn a. Champhai hi kaw nuam le khual chhawn thiam khua in ni a, tourism lamah pawh kawng tam takin hma lakna tur ka mit ngeiin ka rawn hmu a ni. Tin Champhai hi Buhl eh Thlai thar kawngah zoram ei bel in ni a, Champhai thlai thar tui tak tak ten Aizawl bazar an rawn thleng thla thin, chuvangin lo nei mi te ten ka theih tawp ka chhuah dawna, tunlai thiamna technology khawl hmang ten lo neitute tana awlsam zawk leh thar hlawk zawk dante pawh ngaihtuah tur a tam hle a ni. Kan thlai tharte leh kut themthiam hmanga kan thil dehchhuah te pho chhuah nan Delhi ah Sales Emporium buatsaih kan tum bawk a ni. Hei hi kan ngaipawimawh hle dawna Mizote hi mi inthlahrung leh inpho chhuah thiam lo mi kan ni a, chuvangin ‘Tutenge kan nih’ tih hi Central Sorkar hian a la hre chho zel dawn a ni,”a ti
Pu Richard-a chuan,”Kohhran Thalai pawlah kum 10 chuang OB ka nih chhungin kum tina kan hmalakna chu "Mi hla te hnuhhnaih" a ni a, he mi zulzui hian kan ram thalaite nun siam that kawngah theih tawp chhuahin hma kan la tlang ang. Heng kan thil tih duh leh tih chakte ti thei tur hian Champhai mipui ruling ZPM nei mektute hian duhsak taka min lo thlan tlin ngei ka beisei tlat a ni,” a ti
Champhai Vengthlang street campaign neih zawh hian Vengthlang Branch YMA hall-ah ZPM Champhai ‘N’ leh ‘S’ Block ten Joint meeting an neih chhunzawm a, mi thar 252 laiin ZPM an zawm thar bawk a ni
Post a Comment