March 5, 2024 (Rauthla) : Excise & Narcotics Minister Pu Lalnghinglova Hmar chuan tun dinhmunah sorkarin Zu zawrh tumna a neih hriat a ni lo tih vawiin Assembly Session thutkhawmah ah a sawi.
Excise Minister chuan ruihhlo dona kawngah sorkarin theihtawp a chhuah tih sawiin, Excise & Narcotics department thawktute te pawh infuih thar niin, district tinah ruihhlo dotu bik tur Narcotic Cell tihchangtlun bakah district thar pathum Saitual, Khawzawl leh Hnahthial ah te Station din tura hmalak mek a ni thu sawiin, hnathawktu lak belh leh hmanruate thuam tha tura hmlak meih a ni thu a sawi a. Kohhran Thalai leh Tlawmngai pawlte nen ruihhlo do ho dan turah pawh inrawnkhawmna neih a nih thu a sawi bawk.
Pu Lalnghinglova Hmar chuan kumin chhungin ruihhlo chi hrang hrang man a tam hle tih sawiin, hei hian a tihchian chu Mizoramah ruihhlo hi a la rem vak lova, man a awm chuan man loh pawh thahnem tak a la awm dawn tih a sawi. Pu Lalnghinglova Hmar chuan, ruihhlo dona kawnga Kohhran leh tlawmngai pawl ten min puih a sorkarin theihtawp a chhuah bawk chuan kan dinhmun hi a ziaawm theih kan beisei, a ti a. Tunah hian kan dinhmun hi a duhawm lo hle a ni tih a sawi bawk.
Excise Minister chuan tunlai hian Manipur buaina avangin Manipur-a kal thin ruihhlo tam tak chu Mizoram kaltlangin a kal tih a sawi a. Manipur leh Tripura lama lut thla tur chu engemawzat Mizoram kaltlanga a kal avangin ruihhlo man pawh a tam tih sawiin, tualchhunga ruihhlo chevel chu tunhma aiin a pung thut tawh hranpa lova, tunlai tak phei chu ruihhlo do beihpui thlak avangina tlem duak tih a sawi bawk.
Post a Comment