March 5, 2024 : Vawiin khan Unique Identification Authority Of India(UIDAI) Regional Office, Guwahati bultumin Aijal Club-ah Aadhaar chungchanga State Level Workshop neih a ni a, Workshop-ah hian Mizoram-a Aadhaar Enrollment ti zawng zawng chu 90.61% a nih thu tarlan a ni a. Centrally Sponsored Schemes (CSS) 63 te chu Aadhaar kaltlanga tanpuina pek thin a ni.
Khuallian Pu R. Lalramnghaka, IAS, Secretary, DP&AR chuan Kum 2016 rampuma Aadhaar Act hman tan anih hnuin India mipuite chhinchhiahna Identifier pawimawh ber a lo ni ta a. Sorkar hnuaia hamthatna hrang hrang an dawn theihna turin Aadhaar Enrollment tih a ngai a, Enrollment a tam thei ang berin an tih theih nan Aadhaar Enrollment Drive pawh theihtawpa kalpui anih thin thu a sawi. Aadhaar neitu Beneficiary te'n Direct Benefit Transfer (DBT) kaltlanga hamthatna leh tanpuina an dawn theih Aadhaar leh Bank Account thlunzawm niin mipuite pawhin tanpuina hi dik tak leh awlsam takin an dawn theih phah a ni a ti.
He hunah hian Aadhaar chungchanga hriattur pawimawhte thupui hrang hrang hmanga Presentation neih niin Colonel Abhishek Koushik, Director, UIDAI, Regional Office, Guwahati, Dr. Prabal Pratap, Director, UIDAI, Head Office, Pi Saurabh K. Tiwari, Jt. Secretary, DBT Mission, New Delhi, Pu Lalrohlua, MCS, Deputy Secretary, GAD, Sofia Dahiya, Secretary Finance, Govt. of Haryana, Biswajit Saha, Nodal Officer (North East), NPCI te'n Presentation hi an pe a. Zawhna leh chhanna hun hman a ni bawk.
Empowering Residents, Direct Benefit Transfer (DBT), Good Governance, Aadhaar Enabled Payment System (AePS), Proliferation of Digital Financial Services leh Foundational Layer to India Stack te chu Aadhaar nena inngheng leh inthlunzawm vek an nih thu tarlan a ni bawk.
Post a Comment