March 4, 2024 (Rauthla) : Sorkar laipuiin July ni 1, 2024 atanga criminal law thar hman tura gazette notification a tihchhuah tak avangin Mizoram Police chuan heng criminal law thar pathum Bharatiya Nyaya Sanhita (BNS), Bharatiya Nagarik Suraksha Sanhita (BNSS) and Bharatiya Sakshya Adhiniyam (BSA) te zirna traning a buatsaih. Training hi Aizawl SP Conference Hall-ah vawiin khan hawn a ni a. Pu Anil Shukla, IPS, Mizoram DGP-in training hi a hawng a ni.
Training hawnnaah thusawiin Pu Anil Shukla, IPS, Mizoram DGP chuan, training a telte chuan he dan thar pathumte hi chiang taka hre bel tur leh officer leh staff dangte hnena training pe chhawng thei tura thiam turin a chah a ni.
Training hi district tin atangin Police officer 55-in an chhim a, Pu Shivendu Bhushan, IPS, Pu Manjeet Singh, lPS leh Government Mizoram Law College-a zirtirtu ten dan thar chungchanga thupui thlanchhuah hrang hrangah zirtirna an pe a ni. Training hi March ni 8, 2024 hian zawh a ni ang.
Post a Comment