March 6, 2024 (Rauthla) : Education Department (P/S), Samagra Shiksha (P/S), Law & Judicial Department, Inland Waterways Department changtu Executive Member Pu L. Daniala chuan vawiin khanDepartment chante inthlahna Thingpui a inpui.


Pu L. Daniala chuan tunlaia LADC Sorkar boruak awm dan sawiin, thil thleng thei leh thlenglo thei boruakin min tuam mek thu a sawi a, chumi avang chuan Programe hi hman a lo țul ta tih a sawi.

Pu L. Daniala chuan a department chan a enkawlnaah tihsual palh neiin, an huatthute sawi palhte pawh a awm thei tih sawiin, heng zawng zawngah hian ngaihdam a dil thu a sawi a. Officer-te leh thawktu staff zawngte thawhpui an nuam tih sawiin, sawiselna a hriat loh thu leh, a tan a mi hlu tak vek an nih thu sawiin, hun lo kal leh turah pawh thawhhona tha tak nei turin a fuih. 

Pu L. Daniala chuan thawktute chu mi chi hrâng hrângin an lo dawr hunah pawh midangte țanpui țhintu leh kawng kawhhmuhtu ni tura a beisei tlat thu a sawi a, ram leh hnam tan thawk an nih avangin, rinawm leh taima taka thâwk zel turin a chah bawk.

He hunah hian Pi Hrangthanmawii, E.E.O. P/S pawhin thusawiin, Pu L. Daniala chu thawhpui nuam tak leh felfai taka hnathawh duh mi a nih thu a sawi.

Post a Comment

Powered by Blogger.