March 6, 2024 (Rauthla) : Sports & Youth Services deparment changtu Minister Pu Lalnghinglova Hmar chuan Lawngtlaia Residential Sports School thawh mek chu 85% zawh tawh a nih thu a sawi.
Vawiin Assembly Session-a Lawngtlai West bialtu MLA Pu C. Ngunlianchunga zawhna chhangin Sports Minister chuan Lawngtlaia Residential Sports School thawh mek chu September 8, 2024 ah thawh zawh a nih tur thu sawiin, DJ Consultancy Services, Mission Veng Aizawl leh Decor India, GS Road Guwahati ten an thawh mek thu a sawi a. Lawngtlaia Residential School thawh mekah hian cheng nuai 2206.9 sen tawh a nih thu a sawi bawk.
Sports Minister Pu Lalnghinglova Hmar chuan Lawngtlaia Residential School-ah hian infrastructure tha tak din a nih thu sawiin, a enkawl zui hna a hautak dawn avangin CM a rawn thu leh a luah dan tur changchangah a luahtu tur awm ta se biak phalna a pek theih leh theih loh a rawn thu a sawi. CM remtihna angin a thuphunga biak pahnih thum an neih thu sawiin, presentation pek duhte pawh an awm thu leh file a kal tawh thu a awi bawk.
Sports Minister chuan Mizorama private school lian ten luahin enkawl ta se a tha mai ang em tih Sports Council leh Sports department te nen pawh an sawi dun thu leh Mizoram State Sports Council thutkhawmah hemi chungchang hi sawiho leh a nih tur thu a sawi bawk. A kalpui dan tur hi beng sika ngaihtuah a ngaih thu a sawi bawk. A enkawltu tur hi sorkar ang chuan thutlukna siam a la nih loh thu a sawi a, a enkawl thei hnam dang Investor lian te chu hmu ila duhthusam a nih thu a sawi bawk. Infrastructure tha tak din a ni a, tangkai taka hman chu duhthusam a nih thu sawiin, pawn lamte nena tangkai zawka hman dan tur ngaihtuah zui mek a nih thu a sawi bawk.
Post a Comment