March 4, 2024 (Rauthla) : Home Minister Pu K. Sapdanga chuan Mizoram sorkarin Myanmar, Bangladesh leh Manipur atanga kan unau sahimna zawnga Mizoram rawn raltlan mek te chu a theih ang anga chhawmdawl chhunzawm zel a tum thu a sawi.
Vawiin Mizoram Assembly thutkhawma Tuirial bialtu MLA Pu K. Laldawngliana zawhna a chhannaah Home Minister chuan Mizorama sahimna zawnga rawn ratlante zat chiah hi sawifiah a har thu sawiin, chhiar dan hnuhnung ber February ni 9 a chhiarnaah chuan Manipur atangin mi 9248 an ni a, February ni 3 a chhiarnaah chuan Myanmar atangin mi 32161 an ni a, Bangladesh atangin January 25 a chhiarnaah chuan 1167 an ni tih sawiin, lut chhuak an awm deuh reng avangin a tunah chuan a zat chiah hi a danglam tawh a rin thu a sawi bawk.
Home Minister chuan sorkar hmasa lamah khan central atangin raltlante tunpuina atan cheng Vbch. 3 dawn a nih thu a sawi bawk.
Post a Comment