March 4, 2024 (Rauthla) : Pu Lalduhoma, Chief Minister chuan Biometric Attendance System chu Mizoram Secretariat-a sorkar hnathawk zawng zawngte hman tura hmalak mek a nih thu a sawi a. He hmalakna hi a hmawrbawk fel tep a ni tih sawiin, Biometric Attendance System hi department hrang hrangah leh District level hrang hrangah te hman chhoh zel tura ruahman a nih thu a sawi.
Vawiin Mizoram Assembly thutkhawma Thorang bialtu MLA Pu R. Rohmingliana zawhna a chhannaah CM chuan Biometric Attendance System hman hma leh hma hnuah Attendance chungchangah danglamna a awm tawh thu a sawi a. CM chuan Biometric Attendance System kalpui chu a hautak tih sawiin, department thenkhat chuan sum sen vak ngai lo chi Attendance System dang an ngaihtuah chhuak a, a that tho avangin an pawm tho thu a sawi a, department dangte pawhin tlawm zawk leh tha tho si an develop thei a nih chuan pawm a ni vek tih a sawi a ni.
Post a Comment