March 4, 2024 (Rauthla) : Tun thla, March 7, 2024 (Ningani) hian LADC Chairman Pu VL Hmuaka chuan 11th LADC Special Session a ko.
11th Lai Autonomous District Council member 13 te chuan an hming ziak hnanin February 28, 2024 khan Pu V. Zirsanga chu a sorkarna kal zel tlakah an ngaih loh avangin CEM, LADC a nihna bansan tura an phut thu leh an hriattirna lehkha an pe a. Hemi ni vek hian Mizoram Governor hnenah Pu V. Zirsanga kaihhruai sorkarah rinna an nghat tawh lo tih leh sorkarna kalpui zel turin majoriry a nei tawh lo tih an thlen a. Governor hnenah hian floor test nei tura ruahmanna siamsak turin an ngen bawk. He thu kalzelah hian Mizoram Governor-in Floor Test nei tura a rawn tih angin Special Session hi koh a ni.
Session hi LADC Session Hall-ah dar 10:30am ah tan a ni dawn tih vawiin khan Pu Lianchungnunga, Secretary, LADC chuan notification a chhuah.
Post a Comment