Pu J.Lalrinawma. Asst. Professor kaihhruaih programme-ah hian hun hmanpuitu Pu Abraham Beirazi Khithie, Addl. DC chuan a hun tak a Electoral Roll-a hming inziahluh ngai pawimawh turin zirlai naupangte chu a chah a, 'kan khawtlang leh ram siamthat nan kan vote hmang a kan duhthlanna lan chhuah tir theuh a pawimawh' a ti a. Electoral Roll-a hming inziaklut thei tawh te tan Booth Level Officer-te kaltlangin engtiklai pawhin a inziahluh theih thu sawiin India danpuiin duhthlanna chanvo pawimawh tak min pek chu hlenchhuak theuh turin a sawm a. Sum, therhlo leh tawngkam belhchian dawl lo lak a fimkhur a tul thu sawiin kan vote chu hralh mai lova, dik tak a hmang turin kalkhawmte a fuih bawk a ni.
Pu Samuel Lalmalsawma Sailo, SDC chuan inthlan kalpui a nih dan leh EVM buatsaih leh hman dan tlangpui tarlanna hun hmangin mipui duhthlanna tichiang tur chuan voter tam thei ang berin vote an thlak a pawimawh thu a sawi a. EVM belchiang duh leh hmang chhin duh tan DC pisaah Demostration booth chhawpchhuah reng a nih thu a sawi.
Pu Hmingthanzuala, DIPRO chuan kum 18 tling tawh, E-Roll-a hming chuang tawh zawng zawngte vote hlutna a intluktlan vek thu sawiin vote thlak ngai pawimawh tur a inzirtirna chu Systemic Voters’ Education & Electoral Participation hnuai ah kalpui thin a nih thu a sawi a. ECI hnuai a inthlanna kalpui kawng a hriattur pawimawh thenkhat tarlangin zirlaite chu zawhna leh chhanna hun a hmanpui bawk a ni.
Govt. Lawngtlai College-a ‘Mera Pehla Vote, Desh Ke Liye’ pual a hun hmanna ah hian Pi Miriam L.Colney, Asst. Professor kaihhruaina hnuai ah Vote thlak tur a thu tiam lakna hun neih niin India danpui hnuai a duhthlanna chanvo kan neih dan te leh rilru fim tak hmang chung a vote thlak a pawimawh zia tarchhuahna hun, Dr. Ramthanpuia, Asst. Professor chuan a hmang bawk a ni.
Post a Comment