Aizawl 20.03.2024 : Mizo Muaythai fighter chhuanvawr, Joseph Vanlalhruaia, Hunthar Veng chuan Bangkok, Thailand-a 6th International Martial Arts Games-ah title belt a la.
Khawvel ram hrang hranga Muaythai thiam bikte fuanhawmna, International Martial Arts Games-ah hian -51 Kg category-ah Joseph Vanlalhruaia hi telin 4th round-ah a khingpui, Taiwan mi Yeh Lichih chu technical knockout hmangin a hneh, Indian fighter World Muaythai Organization (WMO)-a title belt la thei hmasa ber a ni.
Joseph Vanlalhruaia, Hunthar hi Junior level atanga India huap inelna liana gold medal lo la tawh thin niin, 2022 khan LPS Pro Muaythai-ah a champion tawh a, 2019 Asian Muaythai Championship-ah India tan silver medal a lo la tawh bawk. Mizoram leh state hrang hrangah Muaythai zirtirtu hna thawkin a thawk kual a, tunah hian Kerala-ah a awm mek a ni. Mizoram leh India hming ti thatu, Joseph-a a chhuanawm tak zet.
Post a Comment