Lawngtlai 20.03.2024 : Lok Sabha Inthlanpui 2024 neih turah inthlanna muanawm leh felfai tak neih a nih theih nan Lawngtlai District chhunga silaite khuahkirh a ṭul avangin Lawngtlai District Magistrate Pu Cheemala Siva Gopal Reddy chuan section 144 CrPC tlawh chhanin March ni 19, 2024 (Thawhlehni) khan a hnuaia mi ang hian thupek leh khapna a chhuah.
"Lawngtlai District chhunga mi tu pawhin, Lok Sabha Inthlanpui 2024 puan a lo nih tak avangin, a pe theitu thuneitu hnena aṭanga hman theihna permission a nei a nih loh chuan inthlan result puan a nih hma chuan an silaite an chelek chhuak tawh tur a ni lo.
"Tin, Vasei Police Station huam chhungah hian Critical Polling Station a awm avangin Vasei Police Station huam chhunga silai neitu zawng zawngte'n an silaite March 22, 2024 (Zirtawpni) ral hmain Vasei Police Station/Out Post-ah an tung tur a ni.
"Thupek zawm lote chu dan angin an chungah action lak a ni ang. He thupek hian a hnuaia mite hi a huam lo vang:
"1. Magistrate
"2. Member of the Police force
"3. Armed Forces and BRTF Personnel.
"4. Any other security personnel having permission from competent authority.
"He thupek hi chhuah a nih aṭanga Lok Sabha Inthanpui result puan a nih hma emaw, thuchhuah I dang a awm emaw a nih loh chuan kenkawh tur a ni ang."
Post a Comment