MIZORAM POLICE LEH ASSAM RIFLES-IN HEROIN, GELETIN STICKS LEH DETONATORS AN MAN

Chanphai 18.03.2024 : Mizoram Police leh Assam Rifles chuan Heroin, Geletin Sticks leh  Detonators thahnem tak an man. Vawiin March ni 18, 2024 khan Pu Govit Gogna, IPS, Champhai SDPO chuan Zokhawthar a tlawh a. Champhai Police leh Assam Rifles tangkawpin ruihhlo leh sualna do beihpui an thlak lai chu a hmunah telpuiin, a ho hian Heroin, Geletin sticks leh detonator thahnem tak an man.  

B. Liansanga (45 yrs) (Driver) s/o Lalkamlova, Lunglei Chanmari nia inchhal leh R. Malsawmthara (35 yrs) s/o R Malsawma (L), Tuipui, Champhai District nia inchhal te hnen atangin Heroin hawng 198, kg 2.393 man a ni a. Heroin hi ₹ 71,79,000/- hu niin Tata Yodha Pickup lirthei regn. no. MZ 02 B 9791 hmangin Myanmar atanga Zokhawthara phurh thlen a ni a. Lirthei khalhtu leh neitu B. Liansanga leh a thurualpui R. Malsawmthara hi man an ni a, Zokhawthar Police Station-ah thubuai ziah luh a ni.

 

Biakrema (29 yrs.) s/o Lalbiakzawna (L) leh Ramthazuali (28 yrs.) w/o Biakrema, Tiau Khawmawi, Chin state, Myanmar-a mi ve ve nia inchhalte hnen atangin Gelatin (neogel) stick 110(14.084 kgs) leh detonator 110  man a ni.

​An thil man hi anmahni Scooty, Kenbo 125-a an phurh niin Zokhawthar atanga Myanmar lama kalpui an tum laiin man an ni. Vawiin vek khan Zokhawthar Police Station-ah thubuai ziah luh a ni. 

​Police te chuan heng case pahnih kaihhnawiha an mi mante hi thu an la zawt fiah zel dawn a, an thil man hi khawi atanga an neih nge tih leh a tul angte an chhui zui dawn a ni.