March 20, 2024 (March) : MHIP General Headquarters chuan Dt. 17.3.2024 a Pi V. Lalhmingthangi (52) w/o Zothanmawia, Tuikual South thihna leh a thih dan chu pawi an tih thu leh a chhungte leh a fate an tawrhpui tak zet thu an sawi.
MHIP chuan Pi V. Lalhmingthangi thihna a mawhphurtu ni a rin, rang taka man chhuah a ni chu lawmawm an tih thu sawiin, pawikhawihtu chu dan anga an phu tawk hremna pe ngei turin thuneitute an ngen thu thuchhuah siamin an sawi.
MHIP chuan Dt. 11.3.2024 a Pi Laltanpuii (41) w/o Chanchinmawia, Lengpui, ZMC a nau nei tur a kal, ngaihsak a hlawh tawk loh avanga nau chunga a thihnaah pawi an tih thu leh a kalsan tak a chhungte an tawrhpui thu an sawi a. Hetianga nau chunga thihna leh vanduaina thleng awm leh thin hi fimkhur a, nunna hlu tak kan chan tawh lohna turin damdawi ina thawktu zawng zawng te inenfiah a, tan la thar leh turin leh sorkar pawhin nau chunga thihna a thlen tawh lohna tura hma la turin MHIP Gen. Hqrs. chuan an ngen bawk.
Post a Comment