March 18, 2024 : Pu Cheemala Siva Gopal Reddy, Deputy Commissioner Lawngtlai leh LADC Caretaker a ruat chuan vawiin khan Lai Autonomous District Council hnuaia Head of Department te meeting a neih pui.
CEM Conference Hall-a meeting-ah hian Pu Cheemala Siva Gopal Reddy chuan LADC Officer-te nen thawhona tha tak neih a duh tih sawiin, India General Election 2024 lo awm tur vangin buai chho viau mahila, kan tan ho chuan thil danglam (Change) kan siam thei a ni, a ti a. Sorkar hmalakna hrang hrangte mipui hnen thleng phaka hmalak a tul thu a sawi.
LADC Caretaker chuan State Government hnuaia Department-te leh LADC hnuaia Department-te thawh hona tha neih a duh tih sawiin, a tul phawt chuan engtik lai pawhin suggestion emaw hasatna an neih te amah an sawipui thei reng tih a sawi a. He hunah hian LADC hnuaia Department hrang hrang ten Executive Committee awm loh avanga harsatna leh File pending an neihte a sawi pui a, a theih chin chin chinfel pui a tum thu a sawiin, harsatna leh hriatthiam loh emaw, rawtna an neih pawhin engtik lai pawhin a Office Chamber-ah kalin chinfel dan ngaihtuahho thin a ni dawn tih a sawi.
Post a Comment