March 18, 2024 : Special Judge (Prevention of Corruption Act) Dr HTC Lalrinchhana chuan 15.3.2024 a eiruk thubuaia thiam loh a chantir, CADC CEM hlui Buddha Lila Chakma (L) nupui Sujata Chakma hremna vawiin khan a puang a, Special Judge chuan Sujata Chakma hi kum 4 chhung jail tang tur leh cheng nuai 12 chawi turin a hrem. Pawisa hi a pe thei lo a nih chuan kum 6 dang jail-ah a tan belh ang.
.jpg)
Court judgement atanga a lan danin, CADC Sorkar chuan kum 2012 khan an session hall sakna atan cheng nuai 232 an hmu a, contractor a sak hna an thawh tir. Mahse, a hnuah CEM Buddha Lila Chakma chuan session hall sak hna hi a nupui Sujata Chakma 'Power of Attorney’ (Deed of Agreement) hmangin a thawh chhunzawm tir.
Thubuai ngaihtuah a nih laiin Buddha Lila Chakma hi a thih vangin a thubuai tihtawp a ni a, Sujata Chakma erawh a pasal nena Rs. 34,66,585 tihchingpen thubuaiah thiam loh chantir niin, jail-a dah nghal tura a chungthu rel a ni.
Post a Comment