Lawngtlai 25.03.2024 : Vawiin khan Lawngtlai-III a Filling Station thar - B. Sangchem Filling Station chu Central YLA President Pu HC. Vanlalruatpuia'n a hawng.

B. Sangchem Filling Station hawnna programme hi Pu B. Lalhuma (Ex-MDC) in kaihruaiin Rev. A. Khawlrimawia, LIKBK AOC Pastor Biala Bialtu Pastor ni mekin hunserh a hmang a. Pu HC. Vanlalruatpuia, Central YLA President hian Filling Station hawnna leh thusawina hun a hmang bawk. Central YLA President hian _Lawngtlai hmuna mipuite mamawh tak mai Filling Station thar awm chu Lawngtlai tana hmasawnna rahbi pawimawh tak niin Lawngtlai District mipuite leh zin veivakte tan malsawmna an nih dawn thu sawiin mipuite tana dawr nuam leh Filling Station ṭha tak ni tura a duhsak thu_ a sawi bawk.

Central YLA President hi Central YLA hruaitu engngemawzatin ṭawiawmin Filling Station hawn zawh hian kalkhawmte hian a lawmna chawhlui an kilho nghal a ni.

B. Sangchem Filling Station hi Lawngtlai-III Lei tlahniam bula awm  niin Lawngtlai a Filling Station pali (4) a awmna tur a ni a. Station-ah hian Hindustan Petroleum Corporation Limited (HP) Petrol leh Diesel-te hralhchhuah tur niin March 26, 2024 (Thawhlehni) aṭangin mipuite tan dawr theih an ni dawn a ni.



Post a Comment

Powered by Blogger.