TB CHUNGCHANG :
TB hi Mizote chuan “Ngawr’ kan ti a. TB hi hlawm lian pahniha then a ni a:
i) Chuap TB (Pulmonary TB) : TB vei zinga zaa 85-90 hi Chuap TB vei an ni
2. Chuap pawnlam TB (Extra Pulmonary TB) : TB vei zaa 10-13 hi chuap pawnlam TB - Ruh, ril, thalbe, kal, vun leh a dangte an ni.
Chuap TB vei chuan a khuh leh hahchhiau atangin a thehdarh ber a. A vei te kan enkawl loh chuan kum khatah midang 10-15 a kaichhawng thei a ni. Hemi piah lamah hian Chuap TB veiin TB damdawi a ei atanga kar rei loteah TB natna hrik midang ah a kai thei tawh lo anga ngaih a ni a. Damdawi dik tak ei a,a ei kawp tur leh eizat tur dik tak a ei hi a pawimawh tawp khawk a ni.
Chuap pawnlam TB erawh hi chuan tumah an kaichhawng ve thei lo tih kan hriat a tha awm e.
TB hi vei awlsam bik an awm a, chung mite chu :
i) Zuk leh hmuam heh mi te
ii) Taksa chakna pai tam chaw tha ei tlem te
iii) Zana pindan up tak leh chep taka riak thin te
iv) Zu leh ruihtheihthil ti thin te
v) HIV hrik pai te
vi) Cancer te
vii) Zunthlum te
A lanchhuah dan tlangui han tarlang leh ila :
i) Karhnih aia rei khawsik
ii) Karhnih aia rei khuh
iii) Rihna tlahniam
iv) Awm chhung na
v) Chau ngawih ngawih
vi) Zan mutnaa thlan fim tla
vii) Khak thi
viii) Chaw chakna nei lo
Multi Drug Resistant TB-MDR-TB (TB Benvawn) - TB veiin TB damdawi a ei tur ang a ei that loh avangin leh a ei hun chhung a ei kim loh avangin he MDR-TB hi a vei thei a. Tihdam harsa leh hlauhawm midangte kaichhawn awlsam tak a nih avangin a vei ten tha taka kan ei hi kan mawhphurhna a ni.
TB hi boruakah chhia a inkai theih a. Bungbel inhman tawm te, chaw eiho leh tuino inhman tawm te leh inkhawih in a kai theih loh a ni.
TM umbo anih theihna tur chuan a vei te hmuh chhuah vat a, enkawlna pek vat a pawimawh a. TB vei rinhlelh te inentir tura hriattir vat te, TB vei thei awm mi zawnchhuah te hi kan zavaia kan tih vek theih a ni. Kohhran mipui tin te pawn a dona kawngah kan theihna zawn theuhah hma la turin kan inchah a ni e.
TB vei te endawng mai lo la, an dam ngei theih nan tanpui la, an harsatna hriatthiam puiin enkawl la.TB ti tawp turin i tangrual ang u.
Sawrkar damdawi In - UPHC/CHC/PDC ah a thlawnin khak a exam theih reng a. Tin, TB i inringhlel anih chuan Health and Wellness Centre emaw Sub-Centre emaw pan vat thin ang che. TB damdawi pawh a thlawn vekin damlo tan a awm
Issued By
State TB Cell, Directorate of health Services
Post a Comment