RITA MALSAWMI'N NOMINATION FILE
Vai kara hminglang tham khawpa inhaikaw thei MP candidate kan nei - Lalthuamlian
Aizawl 26th March, 2024: Vawiin khan PC Party MP candidate Rita Malsawmi (49) D/o F Vanlalruati, Kolasib Venglai chuan monination a file ta.
Nomination file fel hnuah Party office-ah hun hman nghal niin he hun kaihruaitu, Lalthuamliana, PC Party Vice President leh Campaign Committee Chairman chuan, candidate tur mitling nia an hriat te kawng hrang hrangin an buk a, ani Rita Malsawmi hi MP candidate tham nia an hriat avangin an thlang chhuak ta niin a sawi a, Party thenkhatin an candidate in vai tawng an thiam thu te an sawi a, "Kan candidate hi chu hnam dang dawr leh nek thiam, Kum 20 zet liam tawh a India khawpui liana hming lang tham khawpa inhai kaw thei, a ngaihna hremi a ni a. TV leh chanchinbu hrang hrang a lang thei MP candidate kan nei," tiin, "Kan ram leh hnam tana thiltha tih kan tum phurchhuak thei tur a ni," tiin an chhuan hle thu a sawi. "Khawngaih taka amah hi vote turin mitin ka sawm che u a ni," a ti a ni.
Rita Malsawmi hi Pu LT Muana (L) leh Pi F Vanlalruati, Kolasib Venglai te fanu hi, November ni 22, 1975-a Hortoki-a piang; Laipuitlang, Aizawl-ah a khawsa mek a ni a. Mipuiin amah kan hriatna ber chu hla phuah leh zai lamah a ni. Zai lama Mizo ten kan hriat hmain Kolkata-ah Koly Band-ah zaitu a ni. Mizo zinga modelling lama sulsutu, Kolkata-a modelling hna thawk a, Modelling Agency te hial partner-ship-a lo nei tawh a ni. Mizo zinga Five Star Hotel-a thawk hmasa pawl a ni bawk. Mizoram a lo chhuah hnuah DDK-ah news correspondent hna a thawk thin a. Film lam luhchilhin ZTS Audio & Visual Production-a producer a ni a, intihsiaknaah pawh lawmman pakhat-na te lo dawng tawh a ni.
Social work lamah Joshua Operation-ah President nilai niin, ZORO Gen. Hqrs.-a kum 10 chuang Secretary nihna chelh tawh a ni.
Post a Comment