Lawngtlai 27.02.2024 (tuesday) : Specified Skilles Worker tan Japan ram a hnathawk turin kawng a inhawng mek. Labour, Employment, Skill Development & Entrepreneurship Department atang a lehkha tih chhuah tarlan danin National Skill Development Corporation leh Japanese Recruitment Company hmalakna in thiamna bik nei ṭhalaite tan Japan a thawk turin ruahmanna siam mek a ni a. An lehkha ah hian Elderly care facilities, Hospital leh Health Care Institution hrang hrang a thawk tur an duh thu tarlan a ni. Hetiang a thiamna nei, thawk duh tur te chu thla 9 chhung Delhi ah Japanese Language Traning pek an ni bawk ang. March ni 4 -6 chhung hian Delhi ah Japanese Recruitment Company te hian Recruitment Drive an nei dawn a ni. A duh tur leh hrechiang duh te chuan Directorate, Labour, Employment, Skill Dev. & Entrepreneurship Department ah a zawh fiah theih ang.
Post a Comment