Lawngtlai 27.02.2024 (Tuesday) : Vawiin khan Chief Medical Office Conference Hall, Lawngtlai-ah National Tobacco Control Programme, National Health Mission hnuaiah Lawngtlai khawpui chhunga kohhran hrang hrang hruaitute leh Pastorte nen zuk leh hmuam leh a kaihhnawih do tura inzirtirna Workshop/training neih a ni.
Pu R.Lalremruata chuan presentation pe in, Zuk leh hmuam chungchanga Mizoram dinhmun a tarlang a, zuk leh hmuam do pawimawhna chhan hrang hrang leh chumi atan chuan enge kan tih theih? tih chungchangte bakah Vaihhlo avanga kan harsatna ah kan State dinhmun tlangpuite a tarlan bakah,Vaihhlo -Zuk leh hmuam leh a kaihhnawih hlauhawmna hrang hrang tarlangin zawhna leh chhanna hun hman a ni a, Khawpui chhunga kohhran hrang hrang te'n anmahni huam chhung theuha zuk leh hmuam dona tura hma an lak dante leh hmachhawpte sawihona hun hman zui a ni.Non-Communicable Disease(NCD) thlentu tam ber Vaihlo leh a kaihhnawih niin,Mizoram a thihna tam ber 67% a thlen thin thute, Zu leh Drugs ngawl vei zinga 90% te chuan an bul tanna (Gateway Substances )chu Vaihlo -Meizial zuk atanga tan a nih thute sawiin, he mi tih rehna tur hian Pathian thu atanga inzirtir uar deuh deuh turin Kohhran hruaitute chu thawhpuiah a sawm a, ‘Workshop/Training on Tobacco Control for Church Leader ‘ chu Mizoram Disrict hrang hrangah pawh neih kual zel tura ruahman anih thu a sawi bawk.
Anti Tobacco Squad Lawngtlai District hian April 2016 atanga tun hun thleng hian Zuk leh hmuam puipuina hmuna dan bawhchhia mi 606 man an ni tawh a. Heng an mi man te atang hian Rs 42,300 an pawisa chawi a tlingkhawm tawh bawk a ni.
Vawiin a Workshop/Training on Tobacco Control for Church Leader te puala hun hmanna hi Dr S thaizi, District Nodal Officer, Lawngtlai chuan kaihruaiin Rev H.Lalsangliana’n hunserh hmangin Dr.Christine Chhuanmawii District Consultant, Lawngtlai chuan lawmthusawina hun a hmangin kalkhawm te atangin zawhna leh chhanna te leh sawihona hun hman a ni bawk.
Post a Comment