February 28, 2024 (Rauthla) : Lai Autonomous District Council-a Member of District Council (MDC) 13 te chuan vawiin khan hming ziakin CEM nilai Pu V. Zirsanga chu bang turin an phut.
Bang tura lehkha an peka an tarlan danin Corruption case SR. (PCA) No.1/2019 on corruption charges u/s 13 (2) read with 13 (1) (d) of Prevention of Corruption Act, 1988 read with section 120B of Indian Penal Code and Section 420 IPC read with Section 120B of Indian Penal Code hmanga convict hial i nih tawh hnuah pawh Lai Autonomous District Council-a Chief Executive Member nihna zahawm tak i la chelh zui zel hi Lairam leh Hnam mualphonaah kan ngai, an ti.
11th Lai Autonomous District Council member 13 te chuan Pu V. Zirsanga chu a sorkar kal zel tlakah an ngaih loh avangin CEM, LADC a nihna bansan tura an phut thu leh an hriattir thu an tarlang bawk.
11th Lai Autonomous District Council member 13 te hian vawiin vek khan Mizoram Governor hnenah Pu V. Zirsanga kaihhruai sorkarah rinna an nghat tawh lo tih thlenin, Pu V. Zirsanga hian sorkarna kalpui zel turin majoriry a nei tawh lo, an ti a. Governor hnenah hian floor test nei tura ruahmanna siamsak turin an ngen.
Pu V. Zirsanga CEM a nihna atanga bang tura phuttute hi; Pu BN. Thangpuia, Pu C. Lalmuanthanga, Pu CL. Lianzuala, Pu K. Hre Kung, Pu L. Lalhmachhuana, Pu LR. Dingliana Chinzah, Pu Manghmunga Chinzah, Pu Zangura, Pu Sanghuliana Chinzah, Pu Tuturu Singh, Pu T. Lalengmuana, Pu Zathanga leh Pu T. Zakunga
Post a Comment