Aizawl 27.02.2024 (Tuesday) : Chief Minister, Finance changtu nibawk Pu Lalduhoma'n an kum 2024- 2025 chu sum renchem, sum dinhmun in sawh nghehna kum a ni a ti a, chuti chung chuan hmasawnna hnathawh tur erawh a pun tho thu a sawi.
Vawiina Mizoram budget a pharh zawh hnuah Assembly House Annex Building, Conference hall ah thutharthehdarh tute kawmin Pu Lalduhoma chuan Kum 2024-2025 sorkar inrelbawlna atana hmantur awm zat, revenue expenditure chu cheng vbc 14412.2 a ni a ti a, hmasawnna hnathawh tura sum ruahman chu cheng vbc 2455.08 a ni a ti bawk.
Sawrkar Flagship Progamme, Bana kaih (Hand Holding policy) hmanga ram chhunga kuthnathawk te tihmasawnna turin cheng vbc 200.00 ruahman a nih thu leh he policy kaihnawih department te chu an scheme leh proposal te azirin sawkarin a tul angin sum a pe dawn a ti bawk.
Thutharlakhawmtute zawhbelhna chhangin Pu Lalduhoma chuan an sorkar tirhah thlai leinana an dah hran cheng vbc 10 nen belhbawmin bana kaih policy atan hian avaiin cheng vbc 310 a awm tak thu a sawi a,
Kumin budgetah hian kum danga la tih ngaihloh a vawi khat na atan Gender Budget statement-hmeichhiate hamthatna tura duan pharh tel a ni tiin, kum 2024-25 chhunga sum hmuh tura beisei cheng vbc 14412.12 chu kum kal mek 2023-24 ruahmanna cheng 14209.95 aiin 1.42% in a pung hret a ti a, kum thar 2024-25 chhunga sorkar sum puk tur ruahman chin chu cheng vbc 1992.03 a ni a ti bawk.
Post a Comment