November 15, 2023, Lawngtlai : Vawiin chhun khan Pu Joseph H.Lalramsanga, Deputy Commissioner chuan a pisaah Lawngtlai District chhung a tlawmngai pawl hrang hrang hruaitute nen inkawm hona hun an hmang a. He hun ah hian CYLA, LWA, LUP, MUP leh MHIP hruaitute an tel a ni.
Pu Joseph H.Lalramsanga, Deputy Commissioner chuan MLA inthlan hlawhtling tak a kalpui a nih theih na chhan pawimawh tak chu Lawngtlai district chhung a tlawmngai pawl hrang hrang hruaitute inpekna vang a nih thu sawiin thawhhona ṭha tak hnuai a buaina leh harsatna lian tham awm lovin Polling Station 181 ah inthlan kalpui a nih thu a sawi a. Kum lam a upate leh rualban lo, Polling Station pan kawng a harsatna neite tan, a ṭum khatna atan Home Voting buatsaih a nih thu tarlangin zau zawk leh huam kim zawk a kalpui chhunzawm zel turin hmalak a nih tur thu DC chuan a sawi bawk a ni.
Vawiin ṭhutkhawmnaah hian Electoral Roll rintlak leh felfai buatsaih kawng a thawh ho dan tur te, kum upate tan a Bawrhsap pisa bul a an building chu chuankai nuam lehzual a siam dan tur te, Old Age Home neih nana hmalak dan tur te sawi ho a ni a, raltlan chhawmdawlna kawng a thawh ho dan tur sawi a ni bawk. CYLA chuan ruihhlo do kawng a an hmalakna hrang hrang tarlangin CYLA Golden Jubilee lawmna nei turin inbuatsaihna an kalpui mek thu an sawi bawk a ni.
Post a Comment