Nov. 19, 2023 (Rauthla) : Vawiin khan JL Enterprise, Lawngtlai neitute chuan Lawngtlai Football Referee te hak tur jersey set hnih (piece 21 ve ve) chu Lawngtlai District Football Referee Welfare hnenah an pe.
JL Enterprise neitu atangin Pu Joseph Lalhmingthanga Chinzah chuan thusawiin, Lawngtlai District hi football-ah rualawh a nat thu sawiin, kan infiam mite pawhin an hak tur an uluk tawh a, Referee te pawh jersey hak tur leh inthuamna lamah hmasawn zel se a duh thu a sawi a. He jersey hian kan referee te tiphurin District hmel timawi se kan duh ber a ni, a ti.
Lawngtlai District Referee te hian CEM Trophy Football Tournament, 2023 khelh mekah an jersey hi naktuk atangin an ha nghal dawn.
Lawngtlai District Football Referee Welfare chuan Lawngtlai Football hmasawnna ngai pawimawhtu leh Referee te duhsaktu JL Enterprise neitute chungah lawmthu an sawi a ni.
Post a Comment