November 13, 2023 (Rauthla) : Mara rama Missionary hmasa ber Welsh Missionary Rev. RA. Lorrain-a tunu, sap Missionary ten Mizoram an chhuahsan hnu pawha Mara ram chhuahsan duh lo Lakher Pioneer Missionsionary (missionary hnuhnung ber) Mrs. Violet (Rev. Violet Louise Annie Mark) (85) chu tukin zing dar 8:00 khan a chenna Saikao (Serkawr) ah a boral.
Lakher Pioneer Mission Missionary hmasa ber Rev. Reginald Arthur Lorrain chuan a nupui, Maud Louise Ullander Lorrain nen Pathian thu hril turin September 26, 1907 khan Mara ram an thleng a, Serkawrah awm hmun khuarin Pathian thu an hril a, Evangelical Church of Maralandd an din a, fanu pakhat, Marquirite Lorrain, a Mara hminga Tlosa tia vuah an nei. 'Tlosai Zua No' an ti kher a, Mara lal fanu tihna a ni.
Tlosa hian Sap ram atanga anmahni pui tura lo kal Albert Bruce Foxall chu pasalah a nei a, fa pakhat an neih chu April 16, 1938 a piang, Rev. Violet Louise Annie Mark hi a ni a, Violet hian pasal atan kum 1968-ah Mara Theologian Rev. L. Mark a nei a, an chhungkua hian Mara ram chhuahsan lovin Pathian rawngbawl hna an thawk zui zel a, Rev. Violet Louise Annie Mark pi leh pu bakah a nu leh pa te pawh Mara ramah an thih ni thlengin Pathian rawngbawlin an awm a ni.
Rev. L. Mark nen hian fa pali, mipa pathum leh hmeichhia pakhat an nei a ni.
Post a Comment