Final match khelh hma Closing Function neih chu LADC a Executive Secretary Pu K. Lalthanzara'n khuallian niin a hmanpui. Pu C. Hrangthianga, President LDFA kaihhruai Closing Function-ah hian khuallian chuan kan sorkarin sports lam ngai pawimawhin nasa takin hma a la mek a, sorkarin kan rama Sports Infrastructure a din/siamte hi a ram neitute ta a ni a, a neitu rilru pua kan enkawl a ngai a ni, a ti a. LADC pawhin budget tlemte nei mahila kan infiammite hmakhua ngaiin leh sports chawikan duhin Sports lamah budget a dah bawk thin a ni, a ti.
Khuallian chuan sport chu eizawnna tling a nih tawh thu sawiin, he eizawnna tling sports hi a chhawr tangkaitu ni turin infiammite chu theihtawp chhuah tura fuihin, kan district ti hmingthatu ni turin a sawm bawk a ni. Pu K. Lalthanzara chuan sports lama kan district tihmingthatu, mi hlawhtlingte tan LADC sorkar chuan ruahmanna tha tak a siam a, chutianga hlawhtlingte tan chuan engmah a ui lo a ni, a ti a. Sports lama mi hmingtha chawikan kawngah hian LADC in hma a la zel dawn tih a sawi bawk.
Tun tum CEM LADC Trophy Football Tournament, 2023 ah hian LDFA Affiliated club 15 atangin club 12 an tel a ni. Champion lawmman leh pahnihna lawmman bakah mimal lawmman engemawzat he hunah hian sem a ni bawk.
MIMAL LAWMMAN :
Best Player - F. Zoremsanga (Chandmary FC)
Top Scorer - David LR Muanpuia (College Veng FC, 8 goals)
Best Goalkeeper - Lalramzahawma (Council Veng FC)
Fair play : College Veng FC
Post a Comment