October 23, 2023 (Rauthla) : MNF ticket-a Sangau West biala MDC atana thlantlin Pu K. Hre Kung chuan vawiin khan MNF party chhuahsanin, party a primary member a nihna leh mawhphurhna dang a neihte a bansan.
Rauthla zawhna chhangin Pu K. Hre Kung chuan ZPM party a zawm tih sawiin, a awmna Sangau II ZPM Unit hnenah party enrollment fee chu a aiawh ten an pe tih a sawi bawk.
Pu K. Hre Kung chuan MNF party a chhuahsan chhanah party chhungah buaina leh intihthiamlohna a awm loh thu a sawi a. ZPM chu mitin ban phak, kalphung thara kal tum nia a hriat avanga zawm a ni tih a sawi bawk.
Pu K. Hre Kung hi LADC General Election 2020 ah khan MNF ticket-in Sangau West bialah MDC atan thlantlin a ni a, LADC sorkar hmasaah Executive Member te pawh a lo ni tawh a ni.
Post a Comment