October 26, 2023 (Rauthla) : Central Lairam Isua Krista Baptist Kohhran Thalai Pawl (Central LIBKTP) buatsaih Thangthat Caan 2023 programme kalmekah October 31, 2023 zan hian a tawp kharna, Main Event (Praise & Worship cum Concert) chu TVJ Futsal Ground, Lawngtlai Council Vengah neih a ni dawn.
Thangthat Caan hi thuang thuma neih a ni a, Solo Competition hi July 6, 2023 atanga tan niin, mi 134-in audition an nei a, mi 86-in 1st Round an lut. Solo 1st Round chin atang hian Nl. T. Lalbiakchhungi leh Nl. K. Lalenmawii, Electric Veng Unit te host atan hman an ni a, Judge atan Upa CZ. Thanliana (Chief Judge), Upa T. Chalnghingluaia leh Upa F. Lalrosanga te hman an ni. Solo Competition hi October 24, 2023 zan khan final a ni a, Main Event-ah result puan a ni ang a, item dang te pawh hemi zan hian lawmman sem a ni bawk ang.
Vocal Band Competition hi August 7, 2023 khan tan niin, August 21, 2023 ah final niin, pakhatna chu Moriah, Moria Unit, Chandmary niin, Christ Alone, Council Veng Unit te pahnihna niin, pathumna chu Echoes of Mercy, Centre Church Unit, Bazar te an ni. August 8, 2023 khan Beat Group Intihsiakna tan a ni a, August 22, 2023 zanah final niin, pakhatna chu Sky Chord niin, The Glory te chu pahnihna niin, pathumna chu Electric Veng Unit Live Band te an ni.
Thangthat Caan Organising Committee te chuan Main Event huna lo tel tur hian mi zawng zawng an sawm a, hemi zan hian Kohhran tih bik a awm dawn lova, a duh apiang tan a chhhim theih tih an sawi bawk. Main Event hi October 31, 2023 zan dar 7 ah tan a ni ang.
Post a Comment