October 22, 2023 (Rauthla) : November ni 7, 2023 a Mizoram Legislative Aseembly member inthlanna neih tur atan nimin khan Lawngtlai District chhung bial pathuma ding tur candidate-te nomination paper endik a ni.
Nimin endiknaah hian Lawngtlai East biala ZPM MLA candidate Dr. Lorrain Lalpekliana Chinzah chu a Proposer pakhatin hming a sign lova, hei vang hian 38th Lawngtlai East A/C a ZPM MLA candidate Dr. Lorrain Lalpekliana Chinzah nomination paper chu endik nawn leh tura ruahman niin, vawiin Dt. 22nd October, 2023 (Sunday) chawhma dar 10:45 am khan Returning Officer Pu Abraham Beirazi Khithie hova ngun taka an ennawn hnuah tih fel ngai laite tih fel niin, nomination paper hi pawm a ni a. ZPM MLA candidate hian scrutiny a paltlang ta ni.
Lawngtlai East biala ZPM candidate Dr. Lorrain Lalpekliana Chinzah chuan Pathian hnenah lawmthu sawiin, ZPM party hruaitute leh member-te hnenah lawmthu a sawi bawk. Dr. Lorrain Lalpekliana Chinzah chuan a candidate puite hriatthiamna avangin an chungah lawmthu a sawi a, RO leh ARO te chungah pawh lawmthu a sawi bawk.
Dr. Lorrain Lalpekliana Chinzah chuan inthlana an hlawhtlinna turin leh Mipui sorkar a lo pian theihna tura theihtawp chhuah turin ZPM partry mi zawng zawng leh Lairam mipuite amah vote turin an khawngaihna a dik a ni.
Lawngtlai East ZPM MLA candidate chuan, 'Nomination paper endik nawn hun tura sawrkarin Pathianni (Sunday) a lo ruat avangin, ZPM party mi leh sa mi thahnemtakin Pathian biak inkhawm thulhin min tawiawm a, hemi avang hian inthlahrunawm ka tiin, Lairam mipuite hnenah in mi hriatthiamna ka ngen tak meuh meuh a ni' a ti bawk.
Assembly Constituency | Political Party | Candidate |
36-Tuichawng | MNF | Pu Rashik Mohan Chakma |
BJP | Pu Durjya Dhan Chakma | |
INC | Pu Hara Prasad Chakma | |
ZPM | Pu Shanti Jiban Chakma | |
37-Lawngtlai West | MNF | Pu V. Zirsanga |
BJP | Pu JB Rualchhinga | |
INC | Pu C. Ngunlianchunga | |
ZPM | Pu Lalnunsema | |
Ind. (Zoramthar) | Pu Biakchhunga Chinzah | |
38-Lawngtlai East | MNF | Pu H. Biakzaua |
BJP | Pu NC Muankima | |
INC | Pu H. Zothangliana | |
ZPM
| Dr. Lorrain Lalpekliana Chinzah |
Post a Comment