October 11, 2023 : Vawiin khan DC Conference Hall, Lawngtlaiah Right To Information Week 2023 pualin hun hman a ni a. Pu Abraham Beirazi Khithie, Addl. Deputy Commissioner chu khuallian niin Dr. Dorris Lalrinawmi, SDC chuan hun a kaihruai a. Lawngtlai District chhung a State Public Information Officer (SPIO), State Assistant Public Information Officer (SAPIO), khawtlang leh tlawmngai pawl hruaitute, MJA member-te leh College zirlaite he hun ah hian an tel a ni.
Khuallian Pu Abraham Beirazi Khithie, Addl. DC chuan sawrkar langtlang siam tur a hmanraw pawimawh tak, mipui hman tur a Right To Information Act siam a ni chu tangkai tak a hman a nih theih nan a hman dan thiam a pawimawh thu a sawi a. Mipui rorelna tichaktu leh sawrkar hnathawkte inthlahdah theih loh nana dan pawimawh tak a nih thu a sawi. Sawrkar hnuai a hmalakna hrang hrangte chu dik tak leh langtlang tak a mipui hriat a pho chhuah a tul thu Pu Abraham-a chuan sawiin thil hriat chian duh te zawh fiah nan leh thil fel lo awm hai chhuah nan mipui ten RTI chu uar lehzual a an hman thiam a pawimawh thu a sawi bawk a ni.
RTI Week 2023 pual a hun hmanna ah hian Pi Malsawmtluangi, Superintendent leh District Resource Person for RTI chuan Internet kaltlang a RTI zawhna thehluh dan leh chhanna pek chhuah dan te, SPIO leh SAPIO-te Online hmang a inziahluh dan chungchangah zirtirna a pe a. Pu Samuel Lalmalsawma Sailo, SDC chuan lawmthu sawina hun a hmang bawk a ni.
Post a Comment