October 12, 2023 : Nimin khan Lawngtlai West biala MNF candidate Pu V. Zirsanga leh Lawngtlai East biala MNF candidate Pu H. Biakzaua te chuan Lawngtlai rawn thlengin, MNF Hnam Run, Lawngtlaiah anmahni pualijn inkhawm buatsaih a ni.
Pu H. Biakzaua chuan, Pu Zoramthanga kaihhruai MNF sawrkar chu sawrkar nawn leh turin a inbuatsaih mek a, mi tam takin MNF party an rawn zawm mek zel chu a lawmawm hle a, sawrkar leh mai tur party belhna chang hriat hi mipuitling zia a ni, a ti. MNF party chu sawrkar leh turin mipuiin an beisei ber a nih thu a sawi bawk.
Pu V. Zirsanga chuan, Mizoram pum dinhmun thlirin hneh takin MNF in sawrkarna a siam leh ngei ka beisei a ni, a ti a. Lawngtlai West bial chu hmasawn ngai tak, a tak taka hmangaihtu neia enkawl ngai a nih avangin hmasawnna hna chak zawka kan thawhho theih nan theihtawp i chhuah ho ang u, a ti a. Pu Zirsanga chuan, Lairam siamthaa hnathawh kawr min hak tir ngei hi ka beisei tlat a ni, a ti bawk.
He hunah hian LADC a Chairman te, Executive Member te, Dy. Chairman, Vice Chairman P&DB, Chairman TC, Dy. Chiefwhip te, MDC te leh Dist. Hqrs. Party hruaitute, Town chhung Unit, VC leh Block hruaitute an tel a ni.
Post a Comment