Lawngtlai East Bial MNF party Candidate H.Biakzaua

H.Biakzaua chanchin tlangpui

 Pian leh murna:

         Pu H. Biakzaua hi May ni 25, 1963 ah Lungtian khuaah a piang a, a pa Pareng Hnialum (L), a nu Famchuaii Tlumang (L) niin, unau 13 zinga a naupang ber dawttu a ni.

Nupui:

Pu S. Zaduna Lungtian fanu Pi S. Hmingsangberi nen an innei a, fa paruk an nei. Tunah hian electric veng Lawngtlai ah an khawsa a ni.  Kum 1976-ah Lungtian Primary School-II atangin Class-III Board a exam a, Chhimtuipui (undivited) ah pali na niin, kum 3 chhung merit scholarship a dawng. Kum 1979 ah Bualpui NG Gov't M/S atangin MSLC Exam a zo a, Siaha Govt H/S atangin kum 1984-ah HSLC a zir zo leh a ni. Hemi hnu hian Shillong-ah Teachers Hna a thawk nghal a. Kum 1991-ah B.Ed a training a, tha takin a zo a ni.

NGOs lamah:

Pu H. Biakzaua hian lehkha zir chhungin LSA ah inhmang thinin hruaitu kawmte pawh a chelh thin a. Lungtian High School a a thawh chhung hian YLA leh VDP ah te inhmangin hruaitu nihna chanvo te pawh a chelh thin a ni.

Kohhran lamah:

Kum 2021 ah a lawina Electric Veng Lawngtlai, Lairam Isua Krista Baptist Kohhran atangin Rawngbawltu (RBT) niin, LIKBK kohhran Upa atan ordained a ni tawh bawk a, tunah hian Kohhranah mawhphurhna hrang hrang a chelh mek a ni.

Politics-ah: 

Kum 1992 March thlaah Lungtian High School Teacher hna a thawhlai kal/bansanin politics ah a lut a, Lungtian MDC bial atangin MDC ah vawi 3 thlan tlin a ni a. Hetah hian, Lai Autonomous District Council ah Executive Member te, Vice Chairman Planing & Dev. Board te a lo ni tawh thin a ni.

Kum 2018 MLA Inthlanpui ah khan MNF ticket inchuh boruak sosâng tak karah changin, vanneih thlak tak maiin hotute duhsakna changin Lawngtlai East A/C atangin MLA atan hneh tak maia thlan tlin a lo ni ta a ni.MNF sawrkarna hnuaiah Vice Chairman Agriculture Development Board te, Deputy Speaker, Mizoram Legislative Assembly nilai a ni a, a theih ang tawkin a bial leh Mizoram hmasawnna tur atan theihtawp chhuah mi a ni.  Pu H. Biakzaua Dy. Speaker & Lawngtlai East Bialtu MLA hi tunah Lawngtlai East Bial, a bial ngaiah ding leh tura tih/dah niin, a bial mipuite Idol a ni.