V.ZIRSANGA CHANCHIN TLANGPUI
Pian leh mûrna:
Pu V. Kapchhunga leh Biakveli te fa Sâwm pahnih (12) zinga a upa lam pali (4)-na ni turin PuV. Zirsânga hi, March 15, 1959-ah Paithar khua-ah a lo piang a. Naupang tet atanga naupang \hangduang leh duhawm tak a ni.
Zirna lamah:
Pu V. Zirsânga hi zirna ngaisâng leh hlawhtlin tum tlat mi a ni a. Chhungkaw rethei tak an nih avangin naupang tê a nih lai pâwl khat (Class-I) anih atangin mi hnenah a awm a. Pawl li (Class-IV) a pass thlengin a nu û hnenah khawsa-in kut hnathawh tin reng tul takin leh hlim takin a hun a hmang thin. Pawlruk (ClassVI) a pass hnu-in High School hi Kaladan High School, Paithar ah pawlriat (Class -VIII) thleng an Headmaster HC. Hrangchunga hnenah a awm ni. Matric HSLC hi Government High School Venglai, Lunglei atangin a zo va; College hi Government College Lunglei atangin a zo leh a, B.A (Hon's) erawh Government Aizawl atangin a pass bawk a ni. College a kal lai hian mi hnenah awmin,\hahnemngai takin inhlawhfa chawpin B.A hi a zir zo a ni. B.A (Hon's)-a zirlai pawh hian Officiating Teacher hna Hauruang Government Middle School-ah a thawk bawk. Zirna a ngaih hlut em avangin B.A (Hon's) a zawh hnu hian Shillong –ah Master of Arts (MA) zir turin, kum 1986 khan a kal leh a. Tichuan, kum 1988 khan M.A (History) chu North Eastern Hill University (NEHU) Shillong atangin tha takin a zir chhuak a ni.
Nupui a nei:
Kum 1993-ah a kawppui atân Nula F. Siamthangpuii nen inneiin, fanau malsawmna mipa pali (4) an nei bawk.
NGOs lama inhmang tak a ni:
Pu V. Zirsanga hian M.A. a zawh hnu hian hna hmu mai lovin a awm a. Bazar Middle School-te din chhovin hun a hmang zawk a. Tichuan, kum 1990-ah Gov't College Lawngtlai-ah Lecturer hna zawmin, he hna hi nuam ti tak leh hlim takin, kum Sawm pahnih (12) chhung a lo thawk tawh bawk.
A tlangval lai atang leh zirlai a nih lai atanga ram leh hnam, khawtlâng vei tlat mi anih avangin, zirlai a la nih lai pawhin LSA-ah President, Shillong-ah te a lo ni a. Sorkar hna a thawh chhung pawhin Central Young Lai Association (CYLA) –ah te inhmangin, General Secretary leh President-te a lo ni tawh a ni. Tin, Lai District a mi te’n Sports lamah hma kan sawn theih nân Lai District Sports Association ah te pawh Office Bearer hi kum sâwm (10) chhung zet a lo thawk tawh bawk a.
A that lai hunah hian tleirawl sual nei lovin, Pathian ah piantharna chang anih avangin kohhran bel tlatin Lairam Isua Krista Kohhran-ah hian, ?halai pawl ah kum sâwm pahnih (12) chhung hruaitu (Office Bearer) nihna a kovah mawhphurhna nghah a lo ni a. Lairam Baptist Kohhran (LBK) leh Isua Krista Kohhran (IKK) an inzawm khâwmah khan |halai pawl chairman hmasa ber niin, he din hmun hi kum nga (5) chhung a lo chelh bawk a ni.
A tlangval lai atanga ram leh hnam vei tlat mi a nih avangin, mi dangte tana malsawmna, tanpui ngaite tanpui duh mi a nih avang te-in sorkar hna tha leh zahawm tak mai, Lecturer hna chu, kum sâwm pahnih (12) a thawh hnu-in a bansan a; Ram rorelna-ah kum 2002 atangin active politics hi a luhchilh ta a ni. Indian National Congress (INC) Party–ah lut chhovin, hotute duhsakna-in kum 2002 MDC Election–ah Congress ticket-in Paithar bial atangin a ding a, vote tlem te-in a chak lo va. Mah se, he term hi hmang zo lovin 2005 khan dissolve a ni a. Tichuan, kum 2005-ah MDC ah Congress ticket bawkin Paithar bialah a ding leh a, Pathian leh mipuite avangin thlan tlin a lo ni ta a ni.Mahse, opposition –ah kum thum leh a chanve \hu in, he termah hian kum khat leh thla riat vel an sorkar a. He term-ah hian Executive Member (i/c Edu-M/S leh Sports Deptt)–te a chang a ni.
Kum 2010, MDC Election-ah Paithar bial atangin hneh taka thlan tlin niin, sorkar-na an Party in a siam lehin, hetah hian Executive Member (EM) (i/c Middle School) bawk a chang zui leh a ni. Kum 2013-ah MLA inthlanna neih a lo ni a. Hetah hian Pu C. Ngunlianchunga CEM ni lai chu, Lawngtlai West Constituency atangin M.L.A ah thlan tlin a lo ni a; Hetiang thil a nih tak avang hian, Chief Executive Member (CEM) atân January ni 17, 2014 atangin Pathian leh hotute duhsakna avangin a term tawp thlengin Chief Executive Member hna hi a thawk a ni.
Pu V. Zirsanga hi kum 2020 a MDC inthlan khan Paithar bialah MNF ticket a thlantlin niin, hetah hian LADC ah Chairman niin, kum 2021, September ni 6 khan Chief Exective Member niin vawiin thlengin he hna hi a chelh ani.
July ni 22, 2023 (Inrinni)-a MNF Gen Hqrs a Nomination Committee chuan, kumin kumtawpa MLA inthlanpui neih turah 37-LAWNGTLAI WEST (ST) A/C a ding turin lungrual takin an rawn ruat ta a ni. Amah hi Politics-a mihriam, a ngaihna hria leh rethei leh mi mangangtena an pan/tlukluhna ber niin pa chan chang thiam tak a ni a. 37-Lawngtlai West (ST) A/C huam chhung a mi a ni bawk.
Post a Comment