October 9, 2023 (Rauthla) : College Veng, Lawngtlai chhunga Kohhran hrang hrang, VC leh All NGO te buatsaihin naktuk atangin LIKBK College Veng Biak Inah Salvation Camping neih a ni dawn. Speaker atan Bethel Ministry Speaker Frederick Lalrindika hman a ni ang.
Salvation Camping hi chhawng thuma neih tur a ni a, chhawng khatna hi October 10 - 14, 2023 chhung hian Ruihhlo ngaite Pualin neih a ni dawn. Naktuk camp-a lut tur hian vawiin dar 12 atangin registration a tih theih dawn a, registration ti tur hian Lawngtlai khaw chhunga awm te chu mahni ngei kal turin a huaihawttu te chuan an ngen a, khawpawn a mi te tan phone hmangin registration hi tih theih thung.
Chhawng hnihna leh chhawng thumna hi a duh piangte tan a ni thung dawn a, chhawng hnihna hi October 17 - 21, 2023 chhungin neih a ni ang a, chhawng thumna hi October 24, 2023 chhungin neih a ni bawk ang. Camping hi inrinniah an chhuak ang a, inrinni zan atanga thawhtan zan thlengin follow-up programme hman a ni ang a, hei hi a duh apiangte tan chhim theih a ni ang.
REGISTRATION CHUNGCHANG LEH MAMAWHA BE DUH TAN
Ph : 9436388371 & 9402186662
Post a Comment