October 9, 2023 : Vawiin khan Election Commission of India chuan Madhya Pradesh, Chhattisgarh, Rajasthan, Telangana, te rualin Mizoram State Assembly election neih hun tur chu Press Conference ah a puang a. Chief Election Commissioner Rajiv Kumar chuan thuthar lakhawmtute kawmin Mizoram Assembly inthlan hun chu November ni 7 a neih a nih tur thu a sawi a, ni 3 December a chhiar tur a nih thu a sawi bawk.
Press Conference-a Chief Election Commissioner Rajiv Kumar-a'n a tarlan dan chuan Mizoramah chuan voter nuai 8.52 an awm a, mipa voter chu nuai 4.13, hmeichhe voter nuai 4.39 awmin first-time voters 50,611 an awm bawk a ni. Voter 30,682-in an pung a, 16,826 chu paih an ni thung.
Polling station 1276 siam a ni dawn a, 22 chu motor kaltlang theih lohna hmunah niin, 19 chu lawng chauh a pawh hmunah te a ni.
Election Commission of India ruahman dan chuan October 20, 3023 thleng nomination thehluh theih a ni ang a, October 23, 2023 thleng candidate te inhnuhdawh theih hun hawn a ni a, November 7, 2023 ah vote thlak a ni ang a, December 3, 2023 ah vote tlate chhiar a ni ang.
Post a Comment