October 9, 2023 (Rauthla) : Lai Idol Season 2 chu tluang taka kalpui zel a ni a, ruahman dan chuan November ni 9 hian a tawp kharna (Grand Finale) neih a ni ang.
October ni 7 zan khan Top 20 intihsiaka neih zawh a ni a, October ni 11 zan hian Top 10 result puanna neih a ni ang a, hemi zan hian Lai Night programme buatsaih a ni bawk ang.
Lai Idol Season 2 hi CYLA Hall, Lawngtlai-III ah neih mek a ni a, judge te hi CZ. Thanliana, P. Thawngbawi leh Lalrampanmawia te niin, Host atan Lalduhchuangi hman a ni bawk.
Tarlan tak angin Lai Idol Season 2 Grand Finale hi November 9 zana neih tura ruahman a ni a, MLA inthlan puan a nih avangin programme duansa angin a kal theih loh maithei bawk a, programme siam danglam a nih chuan Organising Committee lamin thuchhuah an nei leh ang.
Post a Comment