Lawngtlai 19.Sept,2023 : Nimin chawhnu dar 3:00pm khan Mana Motors, Bawngkawn-ah Hmingthup Chhûngkua te chuan an Chhungkaw nu ber boral ta hriatreng nan Zo Inspiration Foundation rawngbawlna hmanrua tur lirthei 'Mahindra Bolero' chu Mana Motors te kaltlangin an lo hlan.
Lirthei kan in hlan zawh hian Frederick Lalrindika'n Pathian hnen a Lirthei hlanna hun a neih sak nghal a, Aug.13,2023 khân Zo Inspiration Foundation an lo be pawp a, an chhûngkaw nu boral ta hriatreng nan kan rawngbawl na hmanrua tur eng emaw ber tihsak an duh thu an lo sawi a. Mahse an hming leh veng/khua erawh tarlang lo hram tura an lo ngen bakah an mahni pawh an in sawi duh lova, ngun taka an ngaihtuah hnu in Lirthei khân sang leh Thingtlang lam a zinpui ngam tur leisak an ti tlu ta a. Sept. 18,2023(chawlhni) zan khan Mana Motors te Bank Account ah a leina tur cheng Rs 11,47,202/-an lo va thawn (transfer) ta a, Mana Motors te pawn he lirthei hi karhmasa atanga lo buaipui fel vek in a tlawm theih tur ang ang te min tlawm bawk a, a theih hun chhûng chu he lirthei in harsatna a tawh chuan a thlawn in min siamsak zel an tum bawk
Post a Comment