SYS Academy 3rd batch zir turte lakluhna hun hman a ni

September 18, 2023 (Rauthla) : September ni 16, Inrinni khan Pu C. Hrangthianga, EM i/c, SYS LADC hoin SYS Department LADC chuan CYLA playground, Lawngtlaiah SYS Football Academy 3rd batch zirturte lakluhna hun an hmang.

Pu C. Hrangthianga chuan infiamnaa hlawhtling tur chuan thuawina leh insum theihna a pawimawh tih thu sawiin, Academy a naupang lut thar tur chu thuawihna nen thil tha lo ruih hlo laka inthiar fihlim tur leh taimak leh tumruhna nen theih tawp chhuah zel tur turin a fuih.

He hunah hian Pu C. Hrangthianga EM chuan Jersey tlangzarhin, Sports & Youth Officer Pu T. Hmangaih Johana pawhin Dream Team (under 12) te Jersey a tlangzarh bawk.

Tun 3rd batch ah hian Amateur Team-ah lut thar 34 awmin, U-12 Dream Team-ah 25 an awm bawk. He Academy hi R. Vanlalpeka Coach leh Lalnunpuia, Asst. Coach ten an enkawl dawn a. Tun batch a zirlaite hi kum 3 chhung an hrual dawn a ni.