September 22, 2023 (Rauthla) : Vawiin khan National Service Scheme Unit, Govt. Region Higher Secondary School, Lawngtlai te chuan District Hospital Blood Bank Lawngtlaiah a mamawhtute hman atan thisen pek runpui an nei.
NSS Govt. Region Higher Secondary School, Lawngtlai te hian NSS Foundation Day pualin thisen pek runpui hi an nei a. Kum dangah pawh District Hospital Blood Bank ah an pe tawh thin a ni. Vawiina blood donation camp an neih ah hian Thisen Unit 67 an pe a, thisen petu te hi Mipa 54 leh Hmeichhia 13 te an ni.
NSS Unit Govt. Region Higher Secondary School te hian kumtin Blood donation camp an neih bakah khawtlang tan thil tha tih kawngah theihtawp chhuahin hma an la thin a. An Adopted Village Thingkah leh Chawhuah te Tuikhur leh Zun In te an siam a. Faina leh thianghlimna kawngah theihtawp chhuahin hma an la bawk thin a. Tin, 3rd IR Battalion panna kawng ah Road side Plantation neiin thing tiak phun in an enkawl mek bawk a ni.
Post a Comment