September 5, 2023 : Central YLA hruaitute leh Border Security Force (BSF) Southern Range-a Deputy Commandant te chu vawiin khan inkawmin, Lawngtlai District paltlanga dan phal loh hmanrua lut ṭhin hrang hrang chungchanga thawhdun dan tur an sawi.

BSF hotute chuan Lawngtlai District paltlanga Smuggling chi hrang hrang awm ṭhinte tih tawp a nih theihna tur leh kawng hrang hranga hmalak pui atan Central YLA an duh thu an sawi a. Hemi chungchang hi Central YLA rorelna sâng Central Executive Committee-ah thlen a nih tur thu leh kan ram ṭhatna tur chuan Sawrkar leh Pawl hrang hrangte thawhpui an duh thu Central YLA General Secretary hian a lo hrilh bawk a ni. 

Shri. Movi, Deputy Commandant, BSF Southern Range hi Lunglei atanga rawn kalin Central YLA aiawhin General Secretary Pu Joseph Lalhmingthanga Chinzah leh DRS hruaitute'n an lo dawngsawng a ni.

Post a Comment

Powered by Blogger.