September 5, 2023 (Rauthla) : Vawiin khan Excise & Narcotics department, Lawngtlai chuan rakzu an man khawm litre 1500 chu an office bulah an leih bua.
Rakzu te hi Lawngtlai khawpui chhung a mi mai bakah Zochachhuah, Chawngte leh Vathuampui atanga lo kal man khawmte an ni a, a pawisa faia chantirin Rs. 1,200,000 man hu vel a ni.
Excise & Narcotics department, Lawngtlai hian kumin January atanga August thla chhung khan Rakzu litre 1,688,455 leh zu bilh tin 234 man tawhin, Rum um 31, Whisky um 7, Beer can 10, Yeast kg 3,5, Pot no 3 leh Heroin gram 48.86 an man tawh a ni.
Excise & Narcotics department, Lawngtlaiah hian ME Act 1973 hnuaiah case 107 leh NDPS Act 1985 hnuaiah case 3 register tawh niin, ME Act 1973 hnuaiah mi 107 manin, NDPS Act 1985 hnuaiah mi 4 an man tawh bawk.
Excise & Narcotics department, Lawngtlaiin an Rakzu man an leih buaknaah hian Central YLA DRS hruaitute an tel bawk.
Post a Comment