September 21, 2023 (Rauthla) : ZPM Leader Pu Lalduhoma chuan nimin khan Lawngtlaiah thusawiin, a rate hre sa in kuthnathawktu ten an thlai an ching tawh dawn a ni, a ti a. An sorkar a nih chuan ‘b├ína kaih (hand holding) policy' hmangin mi rethei leh harsa zawkte tan eizawnna bul tanna tur ngaihtuah sak an ni dawn a ni, a ti bawk.

ZPM Lai District Headquarters Lawngtlai buatsaih Lawngtlai Areopagy-a Public meeting-ah ZPM Chief Ministerial candidate Pu Lalduhoma chuan Mizorama lui lian ber Chhimtuipui hmang tangkaia electric current siam chhuah chu ZPM party thil ngaipawimawh hmasak tur a ni a ti a. Dt. 26th March, 2010 daih tawha NEEPCO leh Mizoram sawrkarin MoU am sign tawh chu hlamchhiah niin, sawrkarin a ngaipawimawh loh avangin hmalak chhunzawmna engmah awm lo chu pawi a tih thu a sawi bawk a. Pu Lalduhoma chuan ZPM party inrelbawl dan leh chanvo insem dan chu 'kalphung thar' a ni reng tawh a ni, a ti.

Nimin public meeting-ah hian Pu Lalduhoma chuan ZPM ah mi thar 992 a lawmlut niin ZPM Lai District Headquarters Lawngtlai thuchhuah chuan an tarlang a. Lawngtlai East bial atangin voters 650 leh Lawngtlai West bial atangin voters 342 te niin, An zingah hian ex-MDC, Congress Unit President nilai, MNF District Headquarters Lawngtlaia hruaitu mi pawimawh tak takte leh LSA hruaitu hluite pawh an tel tih an tarlang bawk. 

Post a Comment

Powered by Blogger.