September 21, 2023 : Vawiin khan Health and Family Welfare Minister Dr. R. Lalthangliana chuan 'Energy for Health ' program Mizoram chu a hmasa ber leh a vawikhatna atan Zemabawk Urban Primary Health Centre ah hawnna hun a hmang. SELCO Foundation, Mizoram leh Health & Family Welfare Dept , Mizoram sorkar chuan Memorandum of Understanding (MoU) hmangin thawhhona thuthlung an ziak a. He program in a tum ber chu Hriselna lama hmalakna pawimawh tak mai, kawlphetha ni eng chakna (solar) hmangin Mizorama Health facility 300 chuangah kum 2023 chhung hian dah vek tum a ni a, he programme hawnna ah hian Health Minister, Mission Director, NHM Health Dept. a mi pawimawh tak tak te, SELCO foundation atangin Chief Finace Officer leh a staff te leh khawtlang hruaitute an tel.
Health Minister zahawm tak, Dr.R.Lalthangliana chuan " 'Energy for Health' program hi leilung hausakna tichhe silo lova, Pathian min pek ni zung chakna hmangin Mizorama Sawrkar Health Facility te ni zung chakna hmanga ti chang tlung tura SELCO foundation te nena kan thawhhona hian hmasawnna tluantling Mizoram mipuite hnenah a thlen ngei ang tih ka beisei a ni "a ti.
VK Joby, CFO -SELCO Foundation chuan " Health Dept leh SELCO Foundation te ram hmasawnna kawnga kan thawkho thei tur hi a lawmawm hle a; "Energy for Health" program hi hriselna kawng a Mizoram a hmasawnna thlentu anih theihna tura a tha thei ang ber a duan leh buatsaih a ni" a ti.
SELCO Foundation leh Mizoram sorkar thawh hona hi Mizoram in hriselna kawng a hmasawnna kan neih theihna tur leh hmabak eng zawk kan neih theihna turin an thawk ho a ni.
Post a Comment