September 21, 2023 (Rauthla) : Assembly Deputy Speaker Pu H. Biakzaua chuan a tak taka ram leh hnam tana ke pen ngam awm chhun chu MNF te hi an ni, a ti.
Nimina MNF Dist. Hqrs. Lawngtlaiin Hnam Runa Martarte Ni an hmannaah Lawngtlai East bualti MLA chuan Mizoramin zalenna a neih theih nana penchhuak kan pasalthate kha an zahawm takzet a ni, a ti a. Khawvel awm chhungin Pathian leh kan ram tan tih hi a ding reng tawh ang a, a hlu deuh deuh dawn a, a ral tawh dawn lo. Kan martarte taksa chu leidaiah ral tawh mahse, mipuiah an thi ngai dawn a ni, a ti.
He hunah hian MNF party mipui bakah LADC a CEM Pu V. Zirsanga, Chairman Pu VL Hmuaka leh LADC a mipawimawh thahnem tak an tel.
Post a Comment